時裝界,每季潮流就是「有其衫必有其袋」,衣服潮流興什麼就一定有同類型手袋去襯番。睇過之前幾篇春夏時裝潮流分析,大家都應該知道民族熱又再次回歸,所以今季手袋潮流可以話俾民族熱全面入侵,無論系Hippies款大袋、各式斜背袋還是OL斯文手袋,都散發著強烈民族氣息。
Hippies大側背袋 今季懷舊熱回到70年代Hippies嬉皮士熱潮,想當年一班Hippies又系最鍾意民族Look打扮,其中更唔少得一個大側背袋。今季呢款袋大部分都系用牛仔布、獍皮或殘舊皮革造成,做出Hippies流浪破舊味。
民族花款袋 民族袋當然唔少得印花、釘飾呢類「手工藝」設計,今季重點是Ethnic Gold Prints,即啞金色民族圖案最為熱門。另外,同大自然有關的裝飾如石頭同竹等,今季都會出現不少名牌手袋上。
蘇穗手袋 Fringe蘇穗是民族Look不可少的元素,所以春夏唔少手袋都捆有蘇穗裝飾,少至幾條長「蘇」綴於袋口,多至全袋「留蘇」都有。
突圍而出:運動袋 乘住今年舉行世界杯,不少品牌都推出同運動有關的設計,令運動袋可以乘著這股強勁的民族熱潮中突圍而出。無論系綴有膠釘的足球袋,定系懷舊保齡球袋等,設計都偏向懷舊路線。
稿源:北方網
編輯:於濤 |